Theodisci referuntur verbum habere e tribus partibus compositum, quod in alios sermones transferri non posse dicitur, videlicet “Torschlusspanik”; cuius membra sunt “Tor” sive ἡ Θύρα, “schluss” seu “claudere,” et “Panik” τὸ πανικόν. Quem sensum nos etiam Anglice loquentes habemus in novo quodam vocabulo e litteris compendiariis facto, “FOMO”: qua in voce comprehenditur metus quo capimur, ne calva occasio nos praetercurrat. Idem significare videtur “Torschlusspanik”: id est, metus ne opportunitas et

Sermone Indonesiano, “Jayus” in iocum dicitur qui inepte dictus a scopo risus eliciendi adeo aberrat, ut nemo possit quin bono animo rideat. Nam risus non sale oritur sed ineptia loquentis, cuius stultitia nec mordet nec bilem movet, sed claudicat. Itaque etiam inepta et stulta non iocandi causa dicta possunt sic intelligi ut jayus, quo ostendimus nos capaces esse etiam benevolentiae.

Abhinc duobus annis, cum tempus subsecivium haberem, coeperam seriem chartularum, in quibus voces quae in alios sermones transferri non posse feruntur inscriptae erant, explicare. Ex eo tamen tempore fere statim sublatum, supreptum, subsecatum mihi est omne tempus subsecivum. Multa igitur debeo nunc agere: unus liber est ad finem perducendus, alter scribendus, scholae parandae, auxilium amicis ferendum. Quas res ne statim faciam neve officiis expeditus omnia efficio quae debeo, volo nunc

Dum in media urbe deambulamus, in taberna quadam mihi ignota intravimus, ubi chartae et calami et alia instrumenta scribendi venalia exponuntur. Inter ea vidi arcam chartarum, in quibus singulis singulae scriptae erant voces, quas nemo fertur posse aliis linguis interpretari. Arcam statim emi. Exemplum appono: Hanc autem commotionem animi et laetitiam, quam homines inter primos novi amoris dies patiuntur, suspicor non dissimilem esse a re Anglica, quae dicitur “infatuation.” Provenit